Biełaruskich studentaŭ centralizavana vazili ŭ anieksavany Rasijaj Krym
Jašče ŭ kancy žniŭnia paviedamlałasia, što na sajcie Biełaruskaha dziaržaŭnaha ŭniviersiteta kultury i mastactva była apublikavanaja abjava, u jakoj studentaŭ univiersiteta zaprašali pryniać udzieł u mierapryjemstvie ŭ akupavanym Krymie — «Sajuznaja dziaržava: mastactva być razam», jakoje płanavałasia pravieści z 9 pa 15 vieraśnia. Jak vyjavili ekśpierty pa adukacyi z manitorynhavaj hrupy @iSANS_Belarus, mierapryjemstva sapraŭdy adbyłosia, i tudy pryvozili studentaŭ ź biełaruskich VNU, piša «MotolkoPomohi».
21.09.2024 / 18:00
Bolš za toje, udzieł biełaruskich studentaŭ u pajezdcy na akupavanyja terytoryi nie byŭ łakalnaj inicyjatyvaj tolki BDUKM, a nasiŭ centralizavany charaktar.
Hetym razam na akupavanyja terytoryi Ukrainy vazili taksama studentaŭ MITSO, Homielskaha dziaržaŭnaha miedycynskaha ŭniviersiteta, Biełaruskaj dziaržaŭnaj akademii mastactvaŭ, Paleskaha dziaržaŭnaha ŭniviersiteta, Viciebskaha dziaržaŭnaha miedycynskaha ŭniviersiteta i navučencaŭ Hrodzienskaha humanitarnaha kaledža.
«Hetaja situacyja całkam paćviardžaje našy zdahadki ab tym, što biełaruskija navučalnyja ŭstanovy ŭsio čaściej buduć centralizavana vyvozić navučencaŭ i studentaŭ na akupavanyja terytoryi Ukrainy. Kali ŭ pačatku červienia my kazali pra pieršy zafiksavany vypadak centralizavanaha vyvazu maładych ludziej z boku asobnaha ŭniviersiteta (BDUIR), to ciapier havorka idzie pra pieršy ahulnanacyjanalny ŭdzieł ustanoŭ adukacyi ŭ mierapryjemstvach na akupavanych terytoryjach pad šyldaj «Sajuznaj dziaržavy», — ličać pradstaŭniki manitorynhavaj hrupy.
Ekśpierty pierakananyja, što takaja praktyka budzie praciahvacca, a rasijski bok budzie i dalej vykarystoŭvać akupavanyja terytoryi jak placoŭku dla lehitymizacyi ich akupcyi praz praviadzieńnie na ich mižnarodnych mierapryjemstvaŭ pry ŭdziele biełaruskich hramadzian.
Sikorski prapanavaŭ pieradać Krym na 20 hadoŭ pad mandat AAN
«Rassupracoŭnictva» vaziła biełaruskich dziaciej u Krym
Hałoŭnakamandučy USU: Va Ukrainy jość płan viartańnia Kryma, i heta realistyčna
Raps, jaki vyvozicca z akupavanych ukrainskich terytoryj, pierapracoŭvajuć u Biełarusi