Ministr zamiežnych spraŭ Polščy Radasłaŭ Sikorski, vystupajučy na forumie «Jałcinskaja jeŭrapiejskaja stratehija» ŭ Kijevie 13-14 vieraśnia, padkreśliŭ, što niama «nijakaj mahčymaści dasiahnieńnia miru biez demilitaryzacyi Kryma», piša «Interfaks-Ukraina».
Sikorski adznačyŭ, što akupavany Krym «adyhryvaje klučavuju rolu ŭ mahčymych pieramovach pamiž Ukrainaj i Rasijaj, i adnym z varyjantaŭ mahła b stać pieradača paŭvostrava pad mižnarodny mandat AAN».
«My mahli b pieradać jaho pad mandat AAN ź misijaj pa padrychtoŭcy spraviadlivaha refierendumu paśla pravierki tych, chto źjaŭlajecca zakonnymi žycharami, i tamu padobnaje. […] I my mahli b adkłaści heta na 20 hadoŭ».
Kiraŭnik MZS Polščy taksama vykazaŭ mierkavańnie, što Zachad i, u pryvatnaści, ZŠA dapuścili vialikuju pamyłku, skazaŭšy Kijevu nie vajavać u Krymie ŭ 2014 hodzie.
«Kali b ukraincy vajavali ŭ Krymie, choć i simvalična, jon [Uładzimir Pucin] mahčyma, nie advažyŭsia b na Danbas», — rastłumačyŭ svaju pazicyju Sikorski.
Ukrainskija ahienctvy, jakija raspaŭsiudzili zajavu Sikorskaha, nie pryvodziać reakcyi inšych udzielnikaŭ toj dyskusii na prapanovu ministra. Va Ukrainie ž i Rasii na jaje adreahavali admoŭna.
Kiraŭnik Ofisa prezidenta Ukrainy Andrej Jarmak zajaviŭ z hetaj nahody:
«Krym — heta Ukraina. Rasija parušyła mižnarodnaje prava i pavinna adkazvać za heta».
Suprać navat patencyjnaha takoha raźviazańnia prablemy vykazaŭsia i Miedžlis krymskatatarskaha naroda:
«Zhodna z nacyjanalnym zakanadaŭstvam Ukrainy i mižnarodnym pravam «zakonnymi žycharami» Kryma źjaŭlajucca vyklučna hramadzianie Ukrainy i asoby, jakija zakonnym čynam aformili svajo pastajannaje abo časovaje prabyvańnie na ŭkrainskaj terytoryi, što paćviardžajecca va ŭstanoŭlenym ukrainskim zakanadaŭstvam paradku. Tamu lubyja inšyja sproby ŭstalavańnia zakonnaści pražyvańnia čałavieka va ŭkrainskim Krymie niepatrebnyja i niedarečnyja», — padkreślivajecca ŭ zajavie prezidyuma Miedžlisa, apublikavanaj 19 vieraśnia.
Z rasijskaha ž boku vykazaŭsia, u pryvatnaści, sienatar Andrej Klimaŭ:
«Heta niemahčyma, bo ŭ Radzie biaśpieki AAN u Rasii jość prava vieta, a, samaje hałoŭnaje, zhodna z Kanstytucyjaj Rasii, usio ŭžo daŭno vyznačana, i jana maje dla nas vyšejšuju kaštoŭnaść».
Erdahan: Viartańnie Kryma Ukrainie — patrabavańnie mižnarodnaha prava
«Režymy zaŭsiody padajucca najbolš stabilnymi pierad svaim padzieńniem». Radasłaŭ Sikorski padbadzioryŭ biełarusaŭ
«U Biełarusi situacyja źmienicca tolki paśla taho, jak jana źmienicca ŭ Rasii» — Radasłaŭ Sikorski
Sikorski: Polšča abaviazana źbivać rasijskija rakiety nad Ukrainaj
Ciapier čytajuć
Lavončyk: Mielnikava vylecieła ŭ Łondan i, nie zatrymlivajučysia, vylecieła z Łondana — heta 100-pracentna8
Kamientary
- AAN.
Niečakany adkaz :-/
Nado snačała eto vziať.
A tut poka hłuchovato.