U milicyi raskazali, za što buduć karać kvadrobieraŭ
Načalnik inśpiekcyi pa spravach niepaŭnaletnich Kastryčnickaha RUUS Minsk Andrej Bučko na sustrečy z navučencami adnaho sa staličnych kaledžaŭ raskazaŭ, za što mohuć pryciahnuć da adkaznaści prychilnikaŭ kvadrobiki — moładzievaj subkultury, jakaja nabyvaje ŭsio bolš prychilnikaŭ siarod dziaciej i padletkaŭ.
12.10.2024 / 20:30
Fota ilustracyjnaje
«Što tyčycca kvadrobieraŭ — kali ich pavodziny parušajuć hramadski paradak, naprykład, jany skačuć na minakoŭ, tady jany mohuć być pryciahnutyja da administracyjnaj adkaznaści za drobnaje chulihanstva», — zajaviŭ milicejski načalnik.
Kvadrobika — ruch rodam ź Japonii. Adepty hetaj subkultury kapijujuć pavodziny žyvioł, čaściej za ŭsio, katoŭ i sabak. Jany biehajuć na karačkach, vydajuć huki, padobnyja da hukaŭ žyvioł, nadziavajuć maski i chvasty. Niekatoryja sprabujuć navat jeści korm žyvioł. Zrešty, u Biełarusi niadaŭna źjaviŭsia biaśpiečny korm śpiecyjalna dla kvadrobieraŭ.
Hetaja dziciačaja zabava surjozna turbuje biełaruskich prapahandystaŭ. U adnym z materyjałaŭ, naprykład, kvadrobiku nazvali «pieršym krokam da satanizmu», a niadaŭna źjaviłasia viersija, što kvadrobieraŭ prydumali, kab jany prynieśli Zachadu ŭ zubach suvierenitet Biełarusi.
«Kvadrobierstva ŭ Biełarusi isnuje daŭno». Najlepšyja tvity tydnia
Školnik-kvadrobier zalez na dach baćkoŭskaj mašyny — im zacikaviłasia milicyja
Biełaruski śviatar zastupiŭsia za kvadrobieraŭ i chobichorsieraŭ
Dziaržprapahanda pastaviła novuju modnuju ŭ padletkaŭ subkulturu ŭ adzin šerah z satanizmam
U Mahilovie kvadrobiery zachacieli paznajomicca z sabakam. Ale toj hetaha nie acaniŭ VIDEA
U Breście zaŭvažyli dziaciej-kvadrobieraŭ. Što heta za novy trend?