Kvadrobieraŭ prydumali, kab jany prynieśli Zachadu ŭ zubach suvierenitet Biełarusi — novaja viersija prapahandy
Źviazany ź Minabarony kanał raptam apublikavaŭ artykuł pra kvadrobieraŭ jak instrumient zachodniaha ŭpłyvu.
Kvadrobika — ruch rodam ź Japonii. Adepty hetaj subkultury kapijujuć pavodziny žyvioł, čaściej za ŭsio, katoŭ i sabak. Jany biehajuć na karačkach, vydajuć huki, padobnyja da hukaŭ žyvioł, nadziavajuć maski i chvasty. Niekatoryja sprabujuć navat jeści korm žyvioł. Zrešty, u Biełarusi niadaŭna źjaviŭsia biaśpiečny korm śpiecyjalna dla kvadrobieraŭ.
Hetaja dziciačaja zabava, miarkujučy pa ŭsim, surjozna turbuje biełaruskich prapahandystaŭ. U adnym z materyjałaŭ, naprykład, kvadrobiku nazvali «pieršym krokam da satanizmu». Ciapier ža źjaviłasia jašče adna, nie mienš vydatnaja, viersija.
Kanał «Nievalfovič», jaki, mierkavana, viaduć śpiecyjalisty ź ideałahičnaha ŭpraŭleńnia Minabarony, vykłaŭ ułasnuju analityku hetaj źjavy. I pryjšoŭ da zusim niečakanych vysnoŭ.
Choć u pačatku artykuła jaho aŭtar pryznaje, što dla dziaciej 7-12 hadoŭ ničoha strašnaha ŭ kvadrobicy niama — heta zvyčajnaja rolevaja hulnia, ułaścivaja dzieciam hetaha ŭzrostu. A voś dzieciam starejšym, jakija sprabujuć jeści korm dla žyvioł, prapanujuć źviarnucca da śpiecyjalistaŭ.
A dalej pačynajecca toje, dziela čaho hety artykuł i rychtavali. Akazvajecca, kvadrobinh — heta, ni šmat ni mała, instrumient Zachadu pa pryhniocie inšych narodaŭ.
Na dumku ananimnaha aŭtara, kvadrobinh aktyŭna padtrymlivajecca ŭ Jeŭropie i navat naviazvajecca ŭ jakaści hramadskaj normy. U prykład pryvodzicca marš kvadrobieraŭ, jaki prajšoŭ u polskim Urocłavie.
Prapahandysty ličać, što pracuje taja ž samaja technałohija, što i ŭ vypadku z rucham ŁHBT, jaki, jak jany ličać, Zachad naviazaŭ inšym narodam raniej.
«Jak ŁHBT, ruch kvadrobieraŭ pryjšoŭ da nas z-za miažy. Byŭ heta «sport» abo čyjaści «błohierskaja» zadumka, ale zachodnija kaštoŭnaści i kultura, jakaja naviazvajecca, aktyŭna źniščajuć vychavańnie i maralnaść narodaŭ», — ličyć aŭtar kanała.
Hałoŭnaja zadača ŭsiaho hetaha, viadoma ž, adna: pazbavić Biełaruś suvierenitetu.
«Zachad u «hulniavoj formie» stavić našych dziaciej na kaleni, zabiraje indyvidualnaść i histaryčnyja kaštoŭnaści, kormić jak žyvioł. Apošnim krokam moža stać suvierenitet krainy, jaki «ludzi-žyvioły» ŭ zubach pryniasuć pa kamandzie Zachadu?» — pytajecca aŭtar artykuła.
Jakim čynam dzieci ŭ kaściumach katoŭ i sabak zmohuć zdać suvierenitet Zachadu i jak hety miechanizm pracuje, u materyjale nie tłumačycca.
Dyskusija pra kvadrobieraŭ užo niekatory čas viadziecca ŭ publičnaj prastory. Naprykład, psichaterapieŭt, ź jakim razmaŭlała «Naša Niva», ličyć, što takaja hulnia nie moža naškodzić psichicy padletka i traŭmavać jaje, jak heta padajecca ŭ dziaržaŭnych ŚMI:
«Dzieciam patrebnyja hulni, tamu što ŭ hulniavoj formie jany vučacca być darosłymi. Hulnia — najvažniejšaja častka raźvićcia čałavieka. Tryvožnyja formy heta moža nabyvać u vypadku, kali dzicia pravodzić takim čynam zališnie šmat času. Kali ŭ žyćci zastajucca adny zabavy».
Na abaronu kvadrobieraŭ i chobichorsieraŭ niadaŭna ŭstaŭ navat pradstaŭnik pravasłaŭnaj carkvy. Eks-pres-sakratar BPC protaijerej Sierhij Lepin prapanavaŭ stvaryć Sinadalny adździeł pa ŭzajemadziejańni z kvadrobierami, pa anałohii z adździełam pa pracy z kazakami: «Ich (kvadrobieraŭ) bolš».
Nie kvadrobierami adzinymi. Niefarmały 2000-ch raskazali, čamu było niebiaśpiečna stanavicca ema i jak źjadańnie kormu z sabačaj miski dapamahaje intraviertam
Školnik-kvadrobier zalez na dach baćkoŭskaj mašyny — im zacikaviłasia milicyja
Dziaržprapahanda pastaviła novuju modnuju ŭ padletkaŭ subkulturu ŭ adzin šerah z satanizmam
U Breście zaŭvažyli dziaciej-kvadrobieraŭ. Što heta za novy trend?
U Mahilovie kvadrobiery zachacieli paznajomicca z sabakam. Ale toj hetaha nie acaniŭ VIDEA
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary