Сям'я з Гродна раскрыла злачынства па ўскрыцці чужога аўтамабіля, паведаміў супрацоўнік прэс-службы УУС Гродзенскага аблвыканкама Ігар Белазёраў.
Ноччу жыхарка абласнога цэнтра выйшла на балкон і ўбачыла, як двое невядомых спрабуюць узламаць чужы аўтамабіль. Яна пачала здымаць тое, што адбываецца, на камеру мабільнага тэлефона, чым злёгку спудзіла мужчын. Але тыя былі нецвярозымі і працягнулі ўзломваць дзверы аўтамабіля.
Жанчына разбудзіла мужа. Разам яны не пабаяліся затрымаць мужчын. Тыя спрабавалі ўцячы, аднак муж з жонкай іх дагналі і ўтрымлівалі да прыезду міліцыі.
Распачатая крымінальная справа па артыкуле «Крадзеж, учынены групай асоб». Супрацоўнікі міліцыі выказалі пары падзяку за свядомасць і рашучасць.
0
0
0
0
0
0