Стала вядома, за што гродзенскае выданне пацягнула ў суд Вольгу Бондараву
Пра тое, што стала прычынай прэтэнзій да яе, напісала сама Бондарава ў сваім тэлеграм-канале.
Паводле вядомай даносчыцы, прычынай судовага пазову да яе стала размяшчэнне ёй 12 студзеня 2024 года паведамлення пра выставу няўгоднага ёй мастака.
Бондарава ў допісе звяртала на тое, што рэкламу пра выставу «апублікавалі розныя сайты і каналы (у тым ліку экстрэмісцкія)», і з яе скрыншотаў вынікала, што «экстрэмісцкім» з'яўляецца сайт Grodno.in, які такім пакуль не прызнавалі. За гэта выданне і падало на даносчыцу ў суд.
Адносна выніку суда, які меў адбыцца сёння, Бондарава нічога не піша, але свой першасны пост скарэктавала. Цяпер скрыншот са згадкай Grodno.in з допісу выдалены, а акцэнт робіцца на публікацыі Reform.by — незалежнага выдання, якое на той момант таксама не было прызнана лукашыстамі «экстрэмісцкім», хоць і было заблакавана на тэрыторыі Беларусі.
Таксама Бондарава напісала: «Я даю дазвол ТАА «ГроднаІн» рэпосціць гэтае паведамленне столькі разоў і тым людзям, каму ў гэтай кампаніі палічаць патрэбным гэта зрабіць».
З усяго гэтага можна меркаваць, што суд яна прайграла і была абавязаная нейкім чынам перад выданнем «загладзіць віну».
Тур патлумачыў, што Лукашэнка меў на ўвазе, кажучы пра прызначэнне дырэктараў у прыватныя кампаніі4
Каментары
А муж, по -видимому, объелся груш)
Возит её респектабельный мущинка на Авди А2 с полу красивым номером....