Гледачы на арэне Рода Лэйвера ў Мельбурне пачалі стогнамі перадражніваць беларускую тэнісістку Арыну Сабаленка падчас матчу першага кола Australian Open, дзе яна гуляла з мясцовай спартсменкай Эшлі Барці. Відэа было апублікавана на старонцы 7Tennis у Twitter.
Спачатку гледачы проста крычалі ў момант удараў Сабаленка. Суддзя на вышцы папрасіла іх перастаць, аднак людзі, наадварот, пачалі паўтараць крыкі беларускай спартсменкі і паміж розыгрышамі. Пасля чарговых просьбаў рэферы ў сярэдзіне другога сэта імправізаваны «спектакль» спыніўся.
Барці перамагла Сабаленка з лікам 6:7, 6 4, 6:4. Пры гэтым аўстралійка асудзіла паводзіны сваіх суайчыннікаў.
0
0
0
0
0
0