У Берліне прайшлі маршы «Альтэрнатывы для Германіі» і іх праціўнікаў
Пяць тысяч чалавек выйшлі на марш ў Берліне, арганізаваны правай папулісцкай партыяй «Альтэрнатыва для Германіі».
![](http://nashaniva.com/img/w732d4webp1/photos/z_2018_05/f764cb1f-687c-443c-a271-959670228037_cx0_cy6_cw0_w1023_r1_s-1pwc3.jpg.webp)
На маршы прыхільнікаў найбуйнейшай апазіцыйнай партыі гучалі лозунгі супраць ўрада Ангелы Меркель і супраць прыёму бежанцаў з мусульманскіх краін. Удзельнікі шэсця пад назвай «Будучыня Германіі» прайшлі ад цэнтральнага чыгуначнага вакзала ў напрамку Брадэнбургскіх варот.
Праціўнікаў «Альтэрнатывы для Германіі» на вуліцы Берліна выйшла ў некалькі разоў больш. Іх колькасць ацэньваецца як 25 тысяч.
![](http://nashaniva.com/img/w732d4webp1/photos/z_2018_05/43948451_403-vl4nq.jpg.webp)
Усяго ў горадзе прайшло 13 мерапрыемстваў, арганізаваных левымі аб'яднаннямі, актывістамі супраць расізму, ЛГБТ-актывістамі. Некаторыя з іх плылі па рацэ Шпрэе на лодках з лозунгамі супраць расізму і нацызму.
Парадак у ходзе акцый забяспечвалі каля двух тысяч паліцэйскіх. Буйных парушэнняў парадку не зафіксавана.
Каментары