Каля 21.45 у нядзелю ў Свіслачы каля станцыі метро Першамайская патануў чалавек. Праз паўгадзіны ратавальнікі знайшлі ягонае цела. Як даведалася Свабода, каля 21.45 мужчына сярэдніх гадоў трапіў у раку.
«Я выходзіў з метро і пачуў гук вады», паведаміў сведка Данііл Паважны.
Ён адразу выклікаў ратавальнікаў. Каля 22.20 вадалазы дасталі з ракі чалавека. Медыкі на месцы канстатавалі смерць.
«Я падаваў яму руку, але ён не рэагаваў. Хвілін пяць ён трымаўся на вадзе, а потым патануў», — дадаў Данііл.
Каментары