Пра гэта кіраўнік краіны заявіў сёння на сустрэчы з шэфам КДБ Валерыем Вакульчыкам, піша СБ.
«Мы нікому не будзем закрываць рот. Калі ласка — вызначаны месцы ў Мінску і ва ўсіх гарадах, пункты, дзе можна весці дыскусію. Па-мойму, у Мінску гэта шэсць пунктаў. Наша справа — кантроль, каб вы не выйшлі за рамкі. Шэсць пунктаў у Мінску — ідзі дэбатуй. Але Камітэт дзяржбяспекі разам з міліцыяй ні ў якім разе не павінны дапусціць парушэння закона. Людзі павінны пайсці самі і дыскутаваць. Хочуць на кухні — калі ласка. Але каб не перашкаджалі іншым людзям. Мы павінны выканаць парадак. У краіне павінен быць парадак.
Мы не павінны дапусціць, каб рознага роду хеўры і банды крымінальнікаў блукалі па краіне з закасанымі рукавамі: людзі, не дай бог, падумаюць, што гестапа вярнулася, вайна пачалася».
«Вось гэтага мы дапусціць не павінны. І я гэтага я не дапушчу. Я ўжо ваенным казаў
Я адзін буду супраць іх змагацца, калі трэба, хоць у нас хапае людзей у пагонах, якія здольныя абараніць сваю краіну.
Яны разумеюць, што ў гэтай краіне жыць іх дзецям, нашым дзецям, вашым, не толькі нам самім. Таму ўсё павінна быць па законе», — кіраўнік дзяржавы папрасіў Валерыя Вакульчыка далажыць аб сітуацыі ў краіне з пункту гледжання Камітэта дзяржбяспекі:
— І гэта не толькі тое, што я сказаў на злобу дня з нагоды гэтых, якія нам майдан спрабуюць зладзіць. У нас ёсць і эканамічная бяспека, харчовая, ваенная і іншыя, многія напрамкі. Яны цяпер паволі абвастраюцца, бо востры палітычны перыяд. Хацелася б ведаць, як вы бачыце развіццё сітуацыі і да чаго мы ў выніку здольныя прыйсці.
Перыяд ускладняецца тым, што ў нас тут ледзь не чатыры ці пяць пандэмій. Адна ў галіне аховы здароўя. Дзякуй богу, што мы паволі пераадольваем яе (тут ужо не скажаш, што мы хлусім — ідзіце ў бальніцу глядзіце).
Наклалася на гэта палітычная пандэмія ў сувязі з выбарамі. Эканамічная пандэмія — крызіс ва ўсім свеце, не наша віна, бяда наша. І шэраг іншых пандэмій, якія блукаюць вакол нашых межаў, але пакуль баяцца сунуць сюды нос. Мы з гэтымі пандэміямі павінны справіцца. Я ўжо не называю інфапандэмію. Гэта фон для ўсіх пандэмій.
Зараз і ў інтэрнэце, у гэтай сметніцы, што заўгодна закідваюць і з-за мяжы нам. У тым ліку і родныя браты праблем падкідваюць у сродках масавай інфармацыі.
Але мы ўсё гэта бачым. Справядліва, сумленна і без хлусні. Я Амерыку не адкрыў. Мы павінны дзейнічаць у гэтым плане. І хто хоча па законе прайсці гэты перыяд, мы да іх будзем ставіцца з павагай», — дадаў Лукашэнка.
