Фота depositphotos.com.

Кампанія праходзіць пры фінансавай падтрымцы ўрада, піша Guardian.

Брытанцам у папулярнай форме тлумачаць, як вірусныя часцінкі могуць збірацца ў паветры, калі ў памяшканні інфіцыраваны чалавек гутарыць з кімсьці іншым. Часцінкі затрымліваюцца ў паветры і могуць перадацца іншаму чалавеку.

Каб знізіць распаўсюд кавіду такім шляхам, эксперты прапануюць адчыняць вокны ў памяшканні на 10 хвілін, але кожную гадзіну. Так варта рабіць ў сітуацыі, калі некалькі людзей гутараць у адным памяшканні.

Брытанскі Мінздраў просіць людзей больш сур’ёзна ставіцца да праветрывання, тым больш што шмат брытанцаў недаацэньваюць яго важнасць.

Зробленая ў Англіі апытанка, у якой удзельнічалі 3 тысячы чалавек, паказвае, што 64% з іх не ведалі пра важнасць праветрывання для барацьбы з кавідам. І толькі 29% апытаных англічан адчыняюць вокны, калі да іх прыходзяць госці.

Але ж надыходзіць халодны сезон, калі людзі пачнуць праводзіць больш часу разам ў памяшканнях, што адпаведна павялічыць рызыку перадачы інфекцый.

Гісторыя звычайнага цуду. Як Японія дабілася поспеху ў барацьбе з кавідам

«Службовым асобам прыйдзецца адказваць і перад законам, і перад людзьмі» — доктар Мікіта Салавей пра адмену масачнага рэжыму

Хочаш падзяліцца важнай інфармацыяй ананімна і канфідэнцыйна?