90% жыхароў, якія загінулі ў Бучы за час вайны, былі застрэленыя, заявіў мэр Анатоль Федарук у інтэрв'ю DW.
Па яго словах, да 6 красавіка знойдзена 320 целаў забітых мірных жыхароў. «Практычна 90 адсоткаў — гэта кулявыя раненні, а не аскепкавыя».
Федарук сказаў, што колькасць выяўленых целаў расце з кожным днём, бо «іх выяўляюць у прыватных сядзібах, парках, скверах, дзе мелася магчымасць, калі не было абстрэлаў, прыкапаць целы».
У пасёлку знойдзеныя тры месцы масавых пахаванняў: тэрыторыя прадпрыемства «Украграснаб», дзе расійскія войскі «скідалі, як дровы, целы людзей з завязанымі рукамі». Таксама, па словах мэра, масавыя пахаванні ёсць на вуліцах Вакзальная, Яблунская і ў дзіцячым лагеры «Прамяністы», дзе знайшлі людзей з завязанымі рукамі і кулявымі адтулінамі.
«У Бучы было 50 тысяч гараджан. Усяго ў грамадзе, куды ўваходзяць і навакольныя вёскі, — 67 тысяч чалавек. На сёння ў Бучы жывуць 3 700 чалавек, але гэтая колькасць патроху расце, бо вяртаюцца спецыялісты па крытычнай інфраструктуры», — кажа Анатоль Федарук.
Па падліках спецыялістаў, у пасёлку «разбураныя і не падлягаюць аднаўленню» 112 прыватных дамоў, яшчэ каля сотні пашкоджаныя. 18 шматкватэрных дамоў падвергліся абстрэлам і павыгаралі, два з іх не падлягаюць аднаўленню.
Голы мужчына перабег з Польшчы ў Беларусь, рух на мяжы на пару гадзін перакрывалі9
Голы мужчына перабег з Польшчы ў Беларусь, рух на мяжы на пару гадзін перакрывалі
«Мой каханы не чытае навіны, калі яны напісаныя па-беларуску». Дар'я Царык стала на абарону рускай мовы і прыпляла нават Пазняка48
Каментары