Міліцыя: устанавілі больш за 120 ўдзельнікаў «беспарадкаў» 19 снежня
І змясцілі на сваім сайце фатаграфіі пяці, на яе думку, самых актыўных.
У рамках расследавання крымінальнай справы, якая была распачата па частках 1 і 2 артыкула 293 Крымінальнага кодэкса (масавыя беспарадкі), следчым упраўленнем папярэдняга расследавання ГУУС Мінгарвыканкама
ўстаноўлена больш за 120 чалавек, якія актыўна ўдзельнічалі ў масавых беспарадках 19 снежня на плошчы Незалежнасці ў Мінску. Цяпер 31 з іх прад’яўлена абвінавачанне.
Пра гэта паведамілі ў аддзеле інфармацыі і грамадскіх сувязяў ГУУС.
На сваім сайце сталічная міліцыя размясціла фатаграфіі пяці, мяркуючы па ўсім,
самых актыўных удзельнікаў падзей на плошчы.«Дачыненне ніжэйзгаданых абвінавачваных устаноўлена шматлікімі відэаматэрыяламі», — гаворыцца ў паведамленні аддзела інфармацыі і грамадскіх сувязяў ГУУС.
Першы ў гэтым спісе — Аляксандр Класкоўскі 1978 года нараджэння, жыхар Мінска. За ім ідуць: Мікіта Ліхавід 1990 года нараджэння, жыхар Мінска; Аляксандр Атрошчанкаў 1981 года нараджэння, жыхар Мінска; Алег Федаркевіч 1961 года нараджэння, жыхар Мінска; Уладзімір Хамічэнка (г.зв. «Навушнік») 1986 года нараджэння, жыхар Слуцка.
Правакатарка, якая разгульвае па Брэсце з расійскім Z-сцягам — супрацоўніца Камітэта судовых экспертыз11
Каментары