У Сэндайскім скверы прайшла акцыя салідарнасці з пацярпелымі ад землятрусу ў Японіі.
На дрэве ля Сэндайскага сквера былі прымацаваны стужкі з надпісамі “Малітва за Японію”.
Кветкі і знічы неслі да памятнай шыльды Сэндай – горада-пабраціма Мінска.
Мінчукі, што прыйшлі выказаць падтрымку Японіі.
На імправізаваным пастаменце было шмат знічоў і кветак.
Нехта прыносіў і царкоўныя свечкі.
Моладзь чапляла на елку жаўрукоў з арыгамі.
Арыгамі, знічы і кветкі.
Жыхары Мінска -- горада-пабраціма японскага Сэндая -- прыйшлі ўвечары ў сквер ля Тэатра музкамедыі. Прыйшлі, каб выказаць сваю падтрымку пацярпелым у Японіі. Усе неслі да памятнай шыльды кветкі, знічы і жаўрукоў-арыгамі. Многія кветкі, як было бачна, ляжаць тут ужо доўга. Акцыя не была арганізаванай ніякім рухам ці супольнасцю. Мінчукі проста прыходзілі ў Сэндайскі сквер цягам усяго вечара.
