Вайна ва Украіне. Сямнаццаты дзень АНЛАЙН
На франтах расійска-ўкраінскай вайны ўсё па-ранейшаму. Ляцяць бомбы і снарады на ўкраінскія гарады і сёлы, гінуць людзі. Расіяне спрабуюць наступаць, украінцы не здаюцца. Эвакуацыя мірных жыхароў ідзе з пераменным поспехам, недзе гуманітарныя калідоры дзейнічаюць, недзе блакуюцца расійскім бокам. Лік бежанцаў ідзе на мільёны і ўсцяж павялічваецца. Выглядае, што расійскія кадравыя рэсурсы не бязмежныя, бо збіраюцца на вайну і найміты з Блізкага Усходу, і вядзецца набор у «ПВК Вагнера». Актуалізуецца і пытанне непасрэднага ўступлення ў вайну беларускай арміі. Пра нешта сёння дамаўляліся Пуцін з Лукашэнкам, паўдня прайшло пад знакам магчымай ваеннай правакацыі на беларускім Палессі. Пакуль што, здаецца, беларуская армія непасрэдна не ваюе, але з кожным днём усё трывожней. «Наша Ніва» сочыць за развіццём падзей.