Украіна і праз тыдзень пасля пачатку расійскай агрэсіі не здаецца, аказвае чынны супраціў. Хоць цяпер у руках расійскіх войскаў апынулася прынамсі значная частка першага абласнога цэнтра — Херсона, але па астатніх кірунках асабліва ім хваліцца няма чым. У той жа час сёння расійскія ўлады ўпершыню за тыдзень назвалі афіцыйную колькасць загінулых на гэтай вайне з іхнага боку — 498 чалавек. Гэтая лічба, улічваючы спецыфіку расійскага інфармавання грамадскасці, можа ўспрымацца толькі як мінімальная. У той жа час свет працягвае дэманстраваць салідарнасць з Украінай і ўкраінцамі, працягваюць прыходзіць паведамленні аб адмове розных арганізацый і камерцыйных структур супрацоўнічаць з краінай-агрэсарам, накладваюцца ўсё новыя санкцыі. І чакаецца чарговы раўнд перамоваў. «НН» далей сочыць за падзеямі.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы3
Каментары