Змаганне Украіны працягваецца, хоць яна нясе шмат ахвяраў, у тым ліку сярод цывільнага насельніцтва. Лёгкага жыцця па-ранейшаму няма і расійскім войскам, нават атрыманне кантролю над невялікімі гарадамі даецца вялікай цаной. У той жа час яны дэманструюць, што ў жаданні паняволіць Украіну гатовыя на любыя злачынствы. Мінулай ноччу абстрэльваўся нават вельмі небяспечны аб'ект — Запарожская АЭС, што дадаткова ўстрывожыла ўвесь свет. Праўда, закрыцця ўкраінскага неба авіяцыяй НАТА дабіцца пакуль усё адно не ўдалося, хоць увогуле санкцыі па-ранейшаму пашыраюцца. Расійскія ж улады настолькі баяцца, што народ Расіі даведаецца праўды, што ўжо другі дзень громіць на сваёй тэрыторыі рэшткі незалежных СМІ, а таксама сацсеткі. «НН» далей сочыць за падзеямі.
Каментары