Палітзняволенага прадпрымальніка Віктара Ламеку жорстка збівалі пры затрыманні
Сілавікі моцна збілі мужчыну спачатку ў мікрааўтобусе (у тым, што на фота), а затым супрацоўнікі 9-га Упраўлення ГУБАЗіК МУС РБ працягнулі збіццё ў будынку ведамства. Пры гэтым у Ламекі вельмі моцна пацярпела нага, паведамляюць праваабаронцы.
Цяпер бізнесмен знаходзіцца ў СІЗА, яму выстаўленае абвінавачанне па крымінальным артыкуле за паклёп у дачыненні да Лукашэнкі (арт. 367 КК).
Калі прадпрымальнік ужо знаходзіўся ў СІЗА, стала вядома, што памерла яго маці.
Віктара затрымалі 29 сакавіка.
Падтрымаць Віктара: СІЗА-6. 225413, Баранавічы, Брэсцкая, 258 В, Віктар Георгіевіч Ламека.
Чытаць таксама:
У Беразіне адбываюцца затрыманні па палітычных матывах
Удзельнікам велікоднага флэшмобу ў Мінску далі велізарныя штрафы