Удзельнікам велікоднага флэшмобу ў Мінску далі велізарныя штрафы
У пятніцу ў Мінску адбыўся суд па адміністрацыйным правапарушэнні, якое нібыта здзейснілі евангельскія вернікі вечарам 15 красавіка, паведамляе тэлеграм-канал «Хрысціянская візія».
Напярэдадні праваслаўнага Вялікадня хрысціянская моладзь з розных евангельскіх цэркваў прапаведавала на вуліцы Няміга ў цэнтры горада. Вернікі ўзялі вялікі крыж, распавядалі мінакам пра ахвяру Хрыста за грахі людзей, а таксама прапаноўвалі на аркушы паперы напісаць свае грахі і сімвалічна прыбіць да крыжа.
Сямёра вернікаў, з іх пяцёра з поўнаевангельскай царквы «Новае жыццё», былі затрыманыя, на іх надзелі кайданкі і адвезлі ў РУУС. Вернікаў да ночы пратрымалі ў кайданках, а потым адпусцілі.
28 красавіка суд наклаў на семярых хрысціян адміністрацыйнае спагнанне ў выглядзе штрафу памерам 100 базавых велічынь (3500 рублёў) кожнаму.
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары