Аляксандр Лукашэнка падпісаў закон аб народным апалчэнні. У дакуменце, як паведамляе БелТА, гаворыцца, што асноўная задача апалчэння — садзейнічаць органам унутраных спраў падчас ваеннага становішча і «абараняць уласнасць ад злачынных замахаў».
Аляксандр Лукашэнка даручыў стварыць у Беларусі народнае апалчэнне яшчэ ў маі мінулага года.
Паводле закона, народнае апалчэнне будзе стварацца з ліку добраахвотнікаў, якіх узброяць.
Асноўная яго задача — садзейнічаць тэрытарыяльным органам унутраных спраў у забеспячэнні ваеннага становішча, абароне ўласнасці ад злачынных і іншых супрацьпраўных замахаў.
Мясцовымі саветамі абароны народнае апалчэнне можа прыцягвацца і для іншых задач па забеспячэнні ваеннага становішча.
Забяспечвацца гэтае апалчэнне будзе за кошт мясцовых бюджэтаў, а таксама ахвяраванняў.
Колькасць апалчэнцаў у кожным раёне будзе залежаць ад колькасці ахвотных і задач, якія ім ставяць.
Пры скасаванні ваеннага становішча апалчэнне расфармоўваюць.
Атрады камплектуюцца добраахвотнікамі, «здольнымі па сваіх асабістых якасцях, стане здароўя выконваць задачы, прадугледжаныя гэтым законам».
Удзел у апалчэнні не вызваляе ад прызыву на ваенную службу па мабілізацыі і ад працы.
Але па рашэнні мясцовых органаў наймальнік абавязаны вызваляць работніка ад працы для ўдзелу ў дзейнасці народнага апалчэння. Пры гэтым за работнікам захоўваецца месца працы, пасада служачага і сярэдні заробак.
«Кайлас, я іду». Што за беларуска знікла ў жудасным селі ў Непале6
Каментары