У Магілёве на работніцу ЖЭС упаў снег з лёдам. Яна паспела папярэдзіць людзей
У жанчыны цяжкія траўмы.
Ілюстрацыйнае фота
У Магілёве пры правядзенні ўборкі снегу з даху шматкватэрнага дома па вул. Грышына на 52-гадовага майстра ЖЭУ ўпаў снег з лёдам, паведамляе Дзяржаўны камітэт судовых экспертыз.
Жанчына зайшла ў краму і папярэдзіла наведнікаў, каб тыя не выходзілі на вуліцу, пакуль вядуцца небяспечныя работы. Аднак яе саму пры выхадзе з крамы збіў з ног снег з лёдам, які ляцеў з даху.
Удар прыйшоўся па галаве (дарэчы, работніца знаходзілася без ахоўнай каскі) — жанчына ўпала і страціла прытомнасць.
Яе шпіталізавалі ў бальніцу, дзе яна знаходзілася 10 дзён, цяпер знаходзіцца на амбулаторным лячэнні.
Па выніках судова-медыцынскай экспертызы выявілі дзве раны на галаве, пералом рэбраў з пашкоджаннем лёгкага, пераломы грудных пазванкоў і косткі правай галёнкі.
Гэтыя траўмы адносяцца да цяжкіх цялесных пашкоджанняў.
Чытайце таксама:
20 гадоў з трагедыі ў Краснаполлі. Як абвалены дах у школе пахаваў вучняў і настаўніка
У Магілёве жанчына вырашыла паглядзець на прыбіранне снегу — і трапіла ў бальніцу