«Адзін на дваіх. Ясна, б***ь?» Паглядзіце, што ўчыніла на могілках шасцікласніца са Смалявіцкага раёна
У сеціве «Люстэрка» заўважыла відэа, на якім бачна, як дзяўчынка ўчыніла пагром на могілках. Супрацоўнікі міліцыі знайшлі яе, паведаміў набліжаны да МУС тэлеграм-канал.
Высветлілася, што ў кадры — 12-гадовая шасцікласніца са Смалявіцкага раёна. Яе «прыгоды» здымала сяброўка. На запісе відаць, як дзяўчынка на могілках са словамі: «Выбачайце, але яны мне важнейшыя, чым вам», — забірае кветкі з адных магіл і кідае на іншыя.
@nashaniva Шасцікласніца разграміла могілкі ў Смалявіцкім раёне #смолевичи #жодино #борисов #нашаніва #кладбище #беларусьновости #белорусы #чпбеларусь ♬ snowfall - Øneheart & reidenshi
«У цябе няма, на, на***. Адзін на дваіх. Ясна, б***ь?» — кажа яна ў кадры.
У тэлеграм-канале адзначылі, што цяпер з ёю размаўляюць інспектары ІСН. З прычыны ўзросту да крымінальнай адказнасці прыцягнуць дзіця нельга, «але «адміністратыўку» для бацькоў яна зарабіла».