Латвійская апазіцыя прапануе забараніць грамадзянам Беларусі працаваць у школах
Фракцыя апазіцыйнага Нацыянальнага аб'яднання ў Сейме Латвіі выступіла з ініцыятывай змяніць патрабаванні да педагогаў, забараніўшы грамадзянам Расіі і Беларусі працаваць у латвійскіх школах, паведамляе Delfi.lv.
Здымак ілюстрацыйны. Фота: BaltNews.lv
Спасылаючыся на інфармацыю Міністэрства адукацыі і навукі, Нацаб'яднанне сцвярджае, што цяпер у школах працуюць 214 грамадзян Расіі і Беларусі. На думку апазіцыйных палітыкаў, гэта непрымальна, што «новае пакаленне ў Латвіі выхоўваюць і вучаць грамадзяне краіны-агрэсара».
Адпаведна палітыкі падрыхтавалі праект парламенцкага рашэння, якім міністру адукацыі і навукі будзе дадзена заданне ўвесці забарону для грамадзян Расіі і Беларусі працаваць у латвійскіх навучальных установах.
Чытайце таксама:
З Беларусі сыходзіць латышскі вытворца лекаў
Забаранілі ўвозіць у Беларусь шмат тавараў з Польшчы, Чэхіі і краін Балтыі
Латвійская армія пачала рыць супрацьтанкавыя равы на межах з Беларуссю і Расіяй