Фота: Міністэрства абароны Латвіі
Латвійская армія прыступіла да стварэння сістэмы ўмацаванняў на межах з Беларуссю і Расіяй.
Уздоўж мяжы вайскоўцы створаць ланцуг апорных пунктаў — ахоўныя ўмацаванні, розныя перашкоды, склады боепрыпасаў. Усяго на стварэнне сістэмы ўмацаванняў збіраюцца выдаткаваць 303 мільёны еўра, паведамляе LSM.
Першая абарончая лінія ствараецца на адлегласці каля кіламетра ад мяжы з Расіяй, недалёка ад пагранпункта Церахава ў Лудзенскім краі. Там вайскоўцы перакопваюць дарогу капаюць супрацьтанкавы роў для цяжкасці прасоўвання патэнцыйнага агрэсара.
Пакуль гаворка ідзе пра ўмацаванні без мініравання. Латвійскія вайскоўцы збіраюцца ўмацаваць супрацьтанкавыя равы «зубамі дракона», а таксама размясціць апорныя пункты абароны.
Латвійская лінія павінна стаць часткай умацаванняў Балтыйскага вала на межах Эстоніі, Латвіі і Літвы.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)