Латышскі вытворца лекаў Olainfarm прыняў рашэнне цалкам пакінуць беларускі і расійскі рынкі, паведаміў старшыня праўлення кампаніі Яніс Букс.
Паводле Яніса Букса, у гэты момант Olainfarm працуе над стварэннем новага партфелю лекаў, з якім вытворца мог бы выйсці на заходні рынак, цалкам пакінуўшы краіны, якія непасрэдна ці ўскосна бяруць удзел у вайне супраць Украіны. Стварэнне такога партфелю зойме не менш за 4—6 гадоў.
На пытанне аб тым, чаму кампанія не адмовілася ад гандлю з Расіяй да гэтага часу, старшыня праўлення адказаў, што гэта было «справай іншых асобаў, якія прымаюць рашэнні ў кампаніі».
Кампанія Olainfarm займаецца вырабам лекавых прэпаратаў і харчовых дадаткаў, а таксама вытворчасцю хімікатаў і актыўных хімічных інгрэдыентаў.
Найбольш вядомыя прэпараты гэтай кампаніі, прадстаўленыя ў Беларусі — «Адаптол», «Фенкарол», «Наафен» і «Этацызін».
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы46
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары