Кітай скараціў імпарт беларускіх харчоў. Па некаторых пазіцыях падзенне вельмі значнае

У бягучым годзе Кітай скараціў імпарт з Беларусі па шэрагу харчовых таварных пазіцый. Пра гэта сведчаць даныя Галоўнага мытнага ўпраўлення КНР, піша Myfin.by.

Фота ілюстрацыйнае

У 2024 годзе Кітай працягвае рабіць закупкі з Беларусі па асобных харчовых таварных пазіцыях. Пры гэтым па некаторых відах прадукцыі назіраецца скарачэнне аб'ёму закупак як у коштавым, так і ў колькасным выражэнні.

У студзені — чэрвені 2024 года Кітай імпартаваў з Беларусі рапсавага алею на суму каля $130 млн. У параўнанні з аналагічным перыядам мінулага года закупкі зменшыліся больш чым на $45 млн.

Імпарт мяса і харчовых субпрадуктаў хатняй птушкі з РБ скараціўся з $172,2 млн у 1-м паўгоддзі 2023 года да $94,4 млн за такі ж перыяд гэтага года.

Закупкі замарожанай ялавічыны праселі з $46,8 млн да $41,6 млн.

Таксама зафіксавана падзенне імпарту і па іншых харчовых пазіцыях:

• малочная сыроватка — мінус $9 млн;
• малако і вяршкі, згушчаныя або з дадаваннем цукру або іншых падсалоджвальных рэчываў — мінус $7,2 млн.

Каментары да артыкула