У Расіі актывіст прапанаваў увесці вакцыну ад каранавіруса крамлёўскаму Кашчэю. Яго абвінавацілі ў закліках да тэрарызму
Аляксей Пятроў напісаў каментар у інтэрнэце яшчэ ў жніўні 2020 года. Цяпер яму пагражае вялікі тэрмін.
Аляксей Пятроў. Фота з ягонага інстаграма
Камчацкі актывіст Аляксей Пятроў абвінавачваецца ў публічных закліках да ўчынення тэрарыстычнай дзейнасці. Усяму віной даўні каментар, піша «Камчатская жизнь».
У жніўні 2020 года Пятроў у адной з сацсетак прапанаваў «увесці вакцыну ад каранавіруса крамлёўскаму Кашчэю ў надзеі, што яго забярэ вірус». У ФСБ правялі экспертызу і вырашылі, што гэта заклік да замаху на жыццё прэзідэнта Расіі.
Суд арыштаваў Пятрова да 6 сакавіка. Актывісту пагражае да 7 гадоў калоніі.
Аляксею Пятрову 52 гады. У Петрапаўлаўску-Камчацкім яго добра ведаюць як грамадскага актывіста ліберальных поглядаў, які супрацоўнічаў з шэрагам рэгіянальных палітыкаў.
Чытайце таксама:
Расійскага спевака Шарлота асудзілі на 5,5 гадоў калоніі
Дзермант заступіўся за башкірскага героя Салавата Юлаева. Гэта не спадабалася Дзюкаву