У Брэсце ўжо рыхтуюцца да адкрыцця катка ў цэнтры горада

У цэнтр Брэста прывезлі спецыялістаў, спецыяльную машыну і халадзільную ўстаноўку, каб стварыць сапраўдны лёд вакол галоўнай навагодняй ёлкі, піша БелТА.

На плошчу быў дастаўлены так званы чылер — спецыяльная халадзільная ўстаноўка, якая будзе падтрымліваць стан лёду на катку. Чысціць лёд будзе спецыяльная машына.

Адкрыццё катка запланаванае на 1 снежня, канькі можна будзе ўзяць у арэнду або прыйсці са сваімі.

Спецыялісты ўжо пачалі мантаж халадзільнай устаноўкі. На ўстаноўку і падрыхтоўку катка ім адведзена 10 дзён. Плошча катка складзе 28×28 метраў, для яго падрыхтоўкі выкарыстаюць 4 тоны халадзільнага агента і 60 тон вады.

Каментары да артыкула