Спробы нелегальнага пераходу мяжы з Польшчай у апошнія дні амаль спыніліся
У Польшчы зафіксавалі істотнае зніжэнне міграцыйнага ціску з беларускага боку. 14 лістапада ўпершыню з 4 сакавіка не было ніводнай спробы нелегальнага пранікнення мігрантаў праз мяжу Беларусі і Польшчы, паведамілі ў Падляшскім аддзеле Памежнай службы.
Фота: podlaski.strazgraniczna.pl
15 і 16 лістапада спробы нелегальнага пераходу беларуска-польскай мяжы зноў фіксаваліся, але ў невялікай колькасці — усяго 10 спроб.
Гэтыя інцыдэнты адбываліся на ўчастках, якія кантралююць памежныя пасты ў Міхалаве і Нараўцы.
З пачатку 2025 года на гэтым напрамку зафіксавана больш за 27,7 тысячы спроб нелегальнага перасячэння мяжы.
Цяперашняе памяншэнне інтэнсіўнасці мігранцкіх атак можа быць звязана з адкрыццём польскім бокам з 17 лістапада двух памежных пераходаў на беларуска-польскай мяжы.
Чытайце таксама:
Рыжанкоў спадзяецца на вяртанне «нармальных адносін» з Польшчай
Лукашэнка: Жыццё прымусіць Польшчу і краіны Балтыі будаваць нармальныя адносіны з Беларуссю і Расіяй
Першага паляка прапагандысты сустракалі на мяжы з падарункамі. Што падарылі?
Польскае МЗС чакае ўбачыць наступствы адкрыцця двух КПП «у найбліжэйшыя тыдні і месяцы»