Суд павялічыў актывісту Андрэю Трафімаву тэрмін пакарання — да 13 гадоў калоніі строгага рэжыму па абвінавачанні ў апраўданні тэрарызму і «дыскрэдытацыі» расійскай арміі, паведамляе «Медыязона».
Трафімаў у спрэчках нагадаў суду, што яго ўжо другі раз судзяць за словы, а ў ягонай справе няма ні шкоды, ні пацярпелых. Яму не далі выказаць апошняе слова да канца, але ён паспеў сказаць:
«Паважаны суд, напад Расіі на Украіну 24 лютага 2022 года стаў магчымы таму, што сучасная Расія — гэта ахвяра адмоўнага адбору: краіна баязліўцаў, дурняў і панылага г*на. Мне тут не месца, бо я — не першае, не другое і не трэцяе».
Падставай для гэтай справы стала ягонае апошняе слова перад першым прысудам па справе аб ваенных «фэйках» і спробе далучыцца да легіёна «Свабода Расіі», паводле якой яго асудзілі на 10 гадоў калоніі строгага рэжыму.
Тады Андрэй Трафімаў заявіў наступнае:
«Я публічна апраўдваю, горача ўхваляю і падтрымліваю выбух на Крымскім мосце і атакі ўкраінскіх беспілотнікаў на Крэмль і іншыя цэлі ў Маскве і Падмаскоўі. Бо Украіна — ахвяра агрэсіі з боку Расіі. А для сябе я патрабую максімальнага тэрміну. Бо я вамі пагарджаю. Хадзіць з вамі па адной зямлі і жыць з вамі ў адной дзяржаве я не буду».
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце5
Каментары