Затрымаць сёння нафтавы танкер амерыканцам дапамаглі ўлады Венесуэлы. Трамп імі задаволены
Прэзідэнт ЗША Дональд Трамп заявіў у сацсетцы Truth Social, што чарговы нафтавы танкер быў затрыманы ЗША ў супрацоўніцтве з часовым кіраўніцтвам Венесуэлы.
Дональд Трамп. Фота: AP / Alex Brandon
«Сёння Злучаныя Штаты Амерыкі ў каардынацыі з часовымі ўладамі Венесуэлы затрымалі нафтавы танкер, які пакінуў Венесуэлу без нашага дазволу. Гэты танкер цяпер знаходзіцца на шляху назад у Венесуэлу, а нафта будзе прададзеная ў рамках грандыёзнай энергетычнай угоды, якую мы стварылі для такіх продажаў», — напісаў Трамп.
Раней ЗША планавалі «другую хвалю» вайсковай аперацыі ў Венесуэле, але цяпер яны лічаць, што яна не патрэбная, бо Вашынгтон добра ладзіць з новымі ўладамі, заявіў Дональд Трамп.
«Не думаю, што нам будзе патрэбная другая хваля», — заявіў прэзідэнт ЗША.
Чытайце таксама:
ЗША захапілі яшчэ адзін танкер расійскага ценявога флоту
Летні саміт G7 перанясуць, каб даць Трампу адсвяткаваць юбілей
У Венесуэле аб'явілі пра вызваленне вялікай колькасці палітзняволеных