Эпштэйн рабіў генетычны тэст. «Там сказана, што я з Беларусі»
Сярод апублікаваных файлаў амерыканскага фінансіста Джэфры Эпштэйна, які быў асуджаны за сэксуальныя злачынствы і памёр у турме, ёсць згадка пра яго генетычныя тэсты.
Джэфры Эпштэйн. Фота: Rick Friedman/Rick Friedman Photography/Corbis via Getty Images
Як вынікае з лістоў Эпштэйна Барысу Ніколічу, венчурнаму інвестару і былому дарадцу Гейтса, фінансіст у 2013 годзе рабіў генетычны тэст і дасылаў яго кампаніі 23andMe, якая праводзіць такія даследаванні. У адказе было сказана, што ён яўрэй і мае карані з Беларусі.
«Вынікі прыйшлі з 23andMe, цудоўныя, давай пагаворым сёння», — пісаў Эпштэйн. Крыніца: дакументы, выкладзеныя Міністэрствам юстыцыі ЗША
«Там сказана, што я з Беларусі, я яўрэй і заўсёды буду мілым», — пісаў Эпштэйн. Крыніца: дакументы, выкладзеныя Міністэрствам юстыцыі ЗША
Джэфры Эпштэйн вырас у яўрэйскай сям'і ў Брукліне (Нью-Ёрк). Яго маці — Палін Сталофскі, бацька — Сеймур Джы Эпштэйн.
Цікава, што сярод файлаў Эпштэйна ёсць і дасланы яму па электроннай пошце артыкул з Вікіпедыі пра гісторыю яўрэяў у Беларусі.
Чытайце таксама:
Белпол: «Эпштэйн не даехаў да Беларусі». А кім былі бацькі яго каханкі Карыны Шуляк?
На фота з файлаў Эпштэйна брытанскага прынца Эндру знялі на каленях перад ляжачай жанчынай
Апублікаваны тры мільёны файлаў Эпштэйна: што новага і ці будуць яшчэ?