Выйшаў на свабоду Уладзіслаў Беладзед, выкладчык катэхізіса з кафедральнага касцёла
Палітвязень правёў за кратамі больш за два з паловай гады.
Выкладчыка катэхізіса з кафедральнага касцёла Уладзіслава Беладзеда затрымалі 31 мая 2023‑га і спачатку кінулі за краты на 45 сутак па абвінавачванні ў распаўсюдзе «экстрэмісцкіх матэрыялаў».
Пасля сутак на Беладзеда завялі крымінальную справу. Яго судзілі па чатырох артыкулах: за распальванне варожасці, абразу Лукашэнкі, абразу прадстаўніка ўлады, распаўсюд парнаграфіі.
Выніковы прысуд — тры гады зняволення, якія Уладзіслаў адбываў у шклоўскай калоніі №17. Ён быў вызвалены ў студзені 2026 года, калі цалкам адбыў тэрмін.
У 2020‑м Уладзіслаў разам з іншымі вернікамі публічна маліўся за мір у Беларусі. Да затрымання імя Беладзеда згадвалі ў некалькіх «рускамірскіх» артыкулах пра сувязь беларускага каталіцтва і арганізатараў пратэстаў.
Чытайце таксама:
ГУБАЗіК расказаў, у чым вінавацяць каталіцкага семінарыста Уладзіслава Беладзеда
У канцы XVIII стагоддзя грэка-каталіцтва ў Беларусі спрабавала плаўна перацячы ў лацінства