У Ваўкавыску бацька падчас сваркі ледзь не задушыў сына-падлетка
У Ваўкавыўску пракурор распачаў крымінальную справу супраць 41‑гадовага мясцовага жыхара, які п'яным пасварыўся са сваім 15‑гадовым сынам і пачаў яго душыць, піша БелТА.
Фота ілюстрацыйнае
Інцыдэнт адбыўся 1 студзеня 2026 года каля 20:00. Падчас канфлікту падлетак на некаторы час страціў прытомнасць.
Юнак успрыняў дзеянні бацькі як рэальную пагрозу жыццю і звярнуўся ў міліцыю. Маці ў гэты час дома не было. Падставай для канфлікту было нібыта нежаданне падлетка ўдзельнічаць у высвятленні адносін з кавалерам сястры.
Паводзіны бацькі, як адзначылі ў пракуратуры, стваралі пагрозу жыццю і здароўю чалавека і тычыліся асноўных інтарэсаў дзяржавы і грамадства, таму справа была распачатая без заявы ад пацярпелага.
Паводле артыкула 186 Крымінальнага кодэкса, мужчыну інкрымінуецца пагроза забойствам.