У Дубаі затрымалі чалавека, які страляў у намесніка начальніка ГРУ
Пасля замаху яму ўдалося выехаць за мяжу.
Уладзімір Аляксееў. Фота: Мінабароны Расіі
Чалавека, які страляў учора ў Маскве ў генерал-лейтэнанта Аляксеева, затрымалі. Пасля замаху яму ўдалося выехаць за мяжу, піша тэлеграм-канал 112.
Паведамляецца, што яго затрымалі ў Дубаі і разам з тым, хто яму дапамагаў, дастаўляюць у Маскву.
Тым часам Уладзімір Аляксееў прыйшоў у прытомнасць пасля аперацыі. Ён размаўляе, яго жыццю нічога не пагражае.
Учора ў Маскве быў учынены замах на высокапастаўленага вайскоўца. Нападнік зрабіў некалькі стрэлаў і знік. Генералу ўдалося выжыць.
Чытайце таксама:
У Маскве расстралялі намесніка кіраўніка ГРУ
Чалавек, які страляў у намесніка начальніка ГРУ ў Маскве, прыкінуўся дастаўшчыкам ежы
Лаўроў назваў замах на генерала Аляксеева спробай сарваць перамовы
Па падазрэнні ў замаху на генерала Аляксеева адшукваецца мужчына