«Гэты тэрарыстычны акт чарговым разам пацвердзіў нацэленасць рэжыму Зяленскага на пастаянныя правакацыі, накіраваныя, у сваю чаргу, на зрыў перамоўнага працэсу», — заявіў міністр замежных спраў Расіі.
Замах на першага намесніка начальніка ГРУ Уладзіміра Аляксеева сведчыць пра тое, што Украіна нацэлена на зрыў перамоў. Пра гэта заявіў кіраўнік МЗС Расіі Сяргей Лаўроў па выніках перамоў з дзейным старшынёй АБСЕ, кіраўніком МЗС Швейцарыі Іньяцыа Касісам і генеральным сакратаром арганізацыі Ферыдунам Сінірліаглу, піша РБК.
Лаўроў адмовіўся рабіць прагнозы адносна будучыні перамоўнага працэсу, адзначыўшы, што гэта з’яўляецца прэрагатывай кіраўніцтва краіны.
«Гэты тэрарыстычны акт чарговым разам пацвердзіў нацэленасць рэжыму [прэзідэнта Украіны Уладзіміра] Зяленскага на пастаянныя правакацыі, накіраваныя, у сваю чаргу, на зрыў перамоўнага працэсу, і гатоўнасць рэжыму зрабіць усё, каб толькі пераканаць сваіх заходніх спонсараў не адставаць ад Злучаных Штатаў у імкненні збіць іх з курсу на дасягненне справядлівага ўрэгулявання», — сказаў Лаўроў.
Раніцай 6 лютага стала вядома, што невядомы некалькі разоў стрэліў у генерал-лейтэнанта ў доме на Валакаламскай шашы ў Маскве і знік. Аляксеева шпіталізавалі.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы53
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары