У мінулым годзе эмігранты перавялі ў Беларусь амаль 160 мільёнаў даляраў
У 2025 годзе беларусы атрымалі з-за мяжы 291 тысячу грашовых пераводаў на агульную суму 159,5 мільёнаў даляраў у эквіваленце. Паводле даных Нацбанка, гэта на 11% больш, чым у 2024 годзе, хоць колькасць пераводаў скарацілася на 2%.
Здымак ілюстрацыйны. Фота: «Наша Ніва»
Сярэдняя сума аднаго пераводу вырасла на 14% і склала 548 даляраў. Асноўную частку сродкаў адпраўлялі ў Беларусь у далярах: на гэтую валюту прыпала тры чвэрці агульнага аб’ёму. Яшчэ 13% пераводаў паступілі ў беларускіх рублях, 11% — у расійскіх рублях і 2% — у еўра.
Адначасова вырасла і сума пераводаў з Беларусі за мяжу. За мінулы год беларусы адправілі амаль 105,9 мільёна даляраў, што ажно на 40% больш, чым годам раней. Усяго было здзейснена 157 тысяч такіх пералічэнняў, або на 12% больш, чым у 2024-м. Сярэдняя сума аднаго пераводу склала 674 даляры.
Чытайце таксама:
Нафта даражэе, але расійскі рубель і ўслед за ім беларускі — таннеюць. Вось чаму так адбываецца
Галоўчанка загаварыў пра перспектыўнасць валюты БРІКС
Беларусы сталі часцей браць крэдыты на пакупкі, а не на жыллё