Старшыня праўлення Нацыянальнага банка Беларусі Раман Галоўчанка заявіў, што сусветную фінансавую сістэму чакаюць сур’ёзныя змены. Ён выказаў гэта меркаванне пасля дакладу Лукашэнку пра дзейнасць Нацбанка ў кантэксце эканамічнага развіцця краіны, піша БелТА.
Галоўчанка адзначыў, што сёння, маўляў, ва ўсім свеце існуюць праблемы з традыцыйнымі фінансамі і праходжаннем плацяжоў. У прыватнасці, усё больш краін адмаўляюцца ад выкарыстання амерыканскага даляра як міжнароднага сродку разліку. Ён падкрэсліў, што гэта доўгатэрміновыя тэндэнцыі, з якімі прыйдзецца жыць і працаваць шмат гадоў.
У сувязі з гэтым многія кіраўнікі краін БРІКС, як адзначыў Галоўчанка, абмяркоўваюць стварэнне ўласнай валюты для ўнутраных разлікаў у аб’яднанні. Падобныя ідэі разглядаюць і іншыя блокі і саюзы, што сведчыць пра дэфрагментацыю сусветнага фінансавага рынку. Галоўчанка прагназуе, што яшчэ будзе шмат «цікавых падзей» у гэтай сферы.
Што тычыцца Беларусі, то кіраўнік Нацбанка адзначыў, што значная частка разлікаў у знешнім гандлі вядзецца ў валютах краін-саюзніц — беларускім і расійскім рублях, валютах ЕАЭС, кітайскім юані. Ён падкрэсліў, што партфель валютных актываў краіны вельмі дыверсіфікаваны, а фінансавая сістэма гатовая падтрымліваць экспарцёраў.
Найбольшым прыхільнікам ідэі стварэння агульнай валюты БРІКС з'яўляецца Расія, якая пасля пачатку поўнамаштабнай вайны супраць Украіны апынулася пад моцнымі міжнароднымі санкцыямі. Прэзідэнт Расіі Уладзімір Пуцін неаднаразова станоўча выказваўся пра магчымасць стварэння агульнай валюты БРІКС і новай сістэмы міжнародных разлікаў, альтэрнатыўнай SWIFT, «дзеля эфектыўнай барацьбы з далярам і лепшага пазбягання фінансавых абмежаванняў з боку Захаду».
На саміце арганізацыі, які адбыўся ў канцы кастрычніка 2024 года ў Казані, Пуцін адзначыў, што Расія «вымушаная шукаць альтэрнатыву даляру, бо сам Захад абмяжоўвае яго выкарыстанне для Масквы». На гэтым саміце таксама было прадстаўлены нават прататып банкноты для гэтай валюты, які, праўда, вонкава выглядаў як вельмі «сыры».
Індыя і Паўднёва-Афрыканская рэспубліка адхрысціліся ад праекта стварэння валюты БРІКС
«Могуць пайсці і знайсці іншага лоха!» Трамп перасцярог БРІКС ад спробаў увесці ўласную валюту
Пасля артыкула «Нашай Нівы» стваральнікі банкноты БРІКС размылі яе выяву. Але памылкі ўсё роўна бачныя
Пуціну эксклюзіўна паказалі прататып валюты БРІКС, «якая абрыне даляр». Мы адшукалі арыгінал банкноты, ёсць дзіўнасці са сцягам Беларусі
Цяпер чытаюць
Галоўная рэдактарка гомельскай раёнкі пакаялася за тое, што абвінаваціла гурт «Дразды»13
Каментары