У Мінску ўлады прадаюць кватэру эканаміста Паўла Данейкі
Як паведамляецца на сайце «БелЮрЗабеспячэнне», пачатковая цана кватэры 737 тысяч рублёў, прычына продажу — «арышт следчых органаў».
Кватэра плошчай 152 квадратныя метры знаходзіцца ў доме на вуліцы Друйскай, што паміж кальцавой дарогай і Цнянскім вадасховішчам. Аўкцыён завяршаецца 23 красавіка.
Павел Данейка — эканаміст і адміністрацыйны дырэктар даследчага цэнтру BEROC, цяпер жыве за мяжой.
Яго завочна асудзілі на 12 гадоў па справе Каардынацыйнай рады паводле артыкулаў «Змова з мэтай захопу ўлады неканстытуцыйным шляхам» і «Стварэнне экстрэмісцкага фармавання або ўдзел у ім».
Чытайце таксама:
«Табе што, рускіх грошай шкада?» Данейка згадаў забаўны выпадак з Бабарыкам у самалёце
Эканаміст Павел Данэйка расказаў, чаму заняўся ёгай
Эканаміста Данэйку завочна асудзілі да 12 гадоў па справе «Каардынацыйнай рады»