ЗША распрацоўваюць план вайсковай аперацыі на Кубе
Паводле паведамлення USA Today са спасылкай на дзве абазнаныя крыніцы, Пентагон нібыта распрацоўвае планы магчымай вайсковай аперацыі на Кубе. У самім ведамстве адзначаюць, што рыхтуюць варыянты дзеянняў на розныя сцэнарыі і гатовыя выконваць распараджэнні прэзідэнта.
Рабочыя прыспускаюць кубінскі сцяг каля пасольства ЗША ў Гаване ў памяць пра кубінцаў, якія загінулі падчас аперацыі ЗША ў Венесуэле. 5 студзеня 2026 года. Фота: AP Photo / Ramon Espinosa
Гаворка ідзе пра магчымую эскалацыю ў адносінах паміж Вашынгтонам і Гаванай. Раней у гэтым годзе адміністрацыя Дональда Трампа абмежавала пастаўкі нафты на Кубу, спрабуючы эканамічна ціснуць.
Перад тым Трамп заяўляў пра намеры «ўзяць Кубу ў той ці іншай форме» і казаў пра магчымасць дзеянняў у дачыненні да краіны пасля іншых знешнепалітычных канфліктаў. У адказ прэзідэнт Кубы Мігель Дыяс-Канель заявіў, што краіна гатовая супраціўляцца ў выпадку ўварвання і будзе абараняцца да канца.
Пры гэтым эксперты адзначаюць, што пакуль гэта можа быць хутчэй дэманстрацыя сілы, чым рэальная падрыхтоўка да аперацыі. Яны мяркуюць, што кубінскае войска тэхнічна састарэлае, таму вайсковы сцэнар мог бы быць адносна хуткім, але палітычна вельмі складаным.
Чытайце таксама:
Маскве ўдалося прарваць марскую блакаду Кубы. Чаму Вашынгтон не перахапіў расійскі танкер?
Куба на мяжы катастрофы: ці выжыве краіна і якая гісторыя яе адносін з ЗША
На Кубе адбыўся поўны блэкаўт, 11 мільёнаў без святла
Захоп Мадура разбурыў міф пра непераможнасць кубінскай разведкі
Сенатар Грэм назваў краіну, якую неўзабаве можа напаткаць лёс Венесуэлы