Сенатар Грэм назваў краіну, якую неўзабаве можа напаткаць лёс Венесуэлы
На думку сенатара, рэжым Кубы не зможа выжыць пасля падзення прэзідэнта Венесуэлы Мадура.
Пасля захопу Вашынгтонам прэзідэнта Венесуэлы Нікаласа Мадура камуністычны рэжым Кубы можа апынуцца на мяжы краху. Пра гэта заявіў уплывовы сенатар-рэспубліканец Ліндсі Грэм, перадае The Hill.
«Камуністычная дыктатура на Кубе не мае шанцаў выжыць пасля зрынання Мадура. Усё скончана, гэта толькі пытанне часу», — заявіў Грэм.
Журналісты таксама нагадваюць словы Трампа, які заявіў, што рэжым Кубы «гатовы да падзення». Гэта абумоўлена тым, што Куба — блізкі саюзнік Венесуэлы і моцна залежыць ад імпарту нафты з гэтай краіны.
Пра сітуацыю на Кубе выданне піша так: краіна больш за 60 гадоў знаходзіцца пад уладай камуністычнай дыктатуры. А Human Rights Watch сведчаць, што на 2024 год урад Кубы «працягвае здушваць і караць усе формы іншадумства і публічнай крытыкі» на фоне вострага эканамічнага крызісу.
Каментары