У чарнобыльскай зоне штогод ловяць да 30 тон рыбы
Прамысловы вылаў рыбы ў Палескім радыяцыйна-экалагічным запаведніку стаў адным з эксперыментальных напрамкаў дзейнасці, паведаміў дырэктар запаведніка Аляксей Цішкавец.
Аляксей Цішкавец
Кіраўнік запаведніка адзначае, што гэтая праца даволі эфектыўная, бо Прыпяць — рака, шчодрая на рыбу:
«Да 30 тон рыбы мы штогод ловім. Працягласць ракі Прыпяць — каля 72 км па тэрыторыі запаведніка. Цяпер, пакуль ідзе нераст, рыбалоўны промысел на паўзе, а ў маі наша брыгада прыступіць да лоўлі. Рыба ў Прыпяці чыстая. Ловім толькі на рацэ, не заходзім у старыцы і гэтак далей», — расказаў Аляксей Цішкавец.
Сярод відаў рыбы, якія трапляюцца ў Прыпяці, — сом, лешч, шчупак, таўсталобік, жэрах. Па словах дырэктара запаведніка, здараліся выпадкі, калі за ноч улоў складалі сотні кілаграмаў самоў.
Асабліва яму запомніўся выпадак з гіганцкім сомам вагой каля 50 кг, які быў нават даўжэйшы за рост чалавека і якога давялося пераносіць чатыром людзям.
Чытайце таксама:
На Гомельшчыне паставяць аглядную вышку з відам на Чарнобыльскую АЭС
На Радаўніцу могілкі ў адселеных чарнобыльскіх вёсках можна наведваць без пропуску
На мяжы з Украінай адкрылі комплекс яшчэ адной памежнай заставы
У бязлюднай зоне адчужэння на Гомельшчыне пачалі будаваць некалькі вышак сувязі