На Гомельшчыне паставяць аглядную вышку з відам на Чарнобыльскую АЭС
У Палескім радыяцыйна-экалагічным запаведніку плануюць адкрыць назіральную вышку, з якой можна будзе бачыць саркафаг над Чарнобыльскай АЭС, піша БелТА.
Кіраўніцтва запаведніка паведаміла, што вышка будзе вышынёй больш за 5 метраў і атрымае зручны і бяспечны пад’ём для наведвальнікаў. Усярэдзіне плануецца зрабіць усё неабходнае для камфорту турыстаў, а для лепшага агляду будуць даступныя біноклі.
Асноўны від з гэтай пляцоўкі — на аб’ект «Укрыццё», больш вядомы як саркафаг над чацвёртым энергаблокам Чарнобыльскай АЭС. Пры добрых умовах надвор’я гэты аб’ект сапраўды можна ўбачыць з тэрыторыі запаведніка.
Пры гэтым адзначаецца, што на тэрыторыі запаведніка ўжо існуе пажарная вышка з шырокім аглядам, але яна не прызначаная для наведвальнікаў.
Будаўніцтва новай назіральнай пляцоўкі ўжо вядзецца і, паводле планаў, яе могуць адкрыць ужо летам, папярэдне ў чэрвені. У запаведніку падкрэсліваюць, што развіццё інфраструктуры прыводзіць да росту турыстычнага патоку — штогод колькасць наведвальнікаў павялічваецца.
На Радаўніцу могілкі ў адселеных чарнобыльскіх вёсках можна наведваць без пропуску
«Чарнобыльскі шлях» у гэтым годзе пройдзе пад лозунгам «За незалежную бяз'ядзерную Беларусь»
Белгідрамет расказаў, што з радыяцыяй у Беларусі пасля інцыдэнту на Чарнобыльскай АЭС
На Чарнобыльскай АЭС папярэдзілі, што абарончы саркафаг можа не вытрымаць новага расійскага ўдару
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца5
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары