На Радаўніцу могілкі ў адселеных чарнобыльскіх вёсках можна наведваць без пропуску
З 18 па 21 красавіка дазволяць наведваць зоны радыяцыйнага забруджвання без пропускаў, але толькі з 8:00 да 17:00 і выключна для наведвання і ўпарадкавання могілак. Такі ж парадак будзе дзейнічаць 9 мая ў Хойніцкім раёне (могілкі вёскі Баршчоўка), паведамляе БелТА.
На тэрыторыі Палескага радыяцыйна-экалагічнага запаведніка дзейнічаюць асаблівыя правілы: уезд і праход магчымы толькі пасля інструктажу на кантрольна-прапускных пунктах. Трэба мець пры сабе дакументы і быць гатовым да агляду транспарту.
У Нараўлянскім раёне да могілак некаторых адселеных вёсак (Белая Сарока, Хаткі, Хутар-Лес, Баровічы) можна будзе праехаць 19 і 21 красавіка з 10:00 да 15:00.
З сабой неабходна ўзяць пашпарт і дакументы на транспарт. Перад паездкай рэкамендуецца праверыць тэхнічны стан аўтамабіля, узяць рыдлёўку, трос і зараджаны тэлефон. Варта таксама загадзя ўдакладніць маршрут, бо дарогі там часта дрэнныя або іх няма, а могілкі могуць знаходзіцца ў лясах.
Строга забаронена адхіляцца ад маршруту, разводзіць вогнішчы, спальваць смецце, заходзіць у закінутыя будынкі і карыстацца мясцовымі крыніцамі вады. Рэкамендуецца мець зменнае адзенне, працаваць у пальчатках і, па магчымасці, у марлевай павязцы, а таксама браць ваду з сабой.
Асаблівую ўвагу трэба надаваць бяспецы дзяцей і пажылых людзей — дзеці павінны ўвесь час быць пад наглядам.
Таксама трэба ўлічваць, што частка тэрыторый знаходзіцца ў памежнай зоне. Іншаземцам і асобам без грамадзянства неабходна загадзя атрымаць спецыяльны пропуск.
У перыяд Радаўніцы на гэтых тэрыторыях будуць дзяжурыць супрацоўнікі міліцыі, МНС, лясной гаспадаркі і іншых службаў, а таксама арганізавана патруляванне.
Валачобніцтва і пакланенне каменным крыжам: якія велікодныя традыцыі захоўваюць беларусы
76‑гадовы слонімскі пенсіянер затрыманы за крадзяжы з дач і могілак. Узялі яго выпадкова
На Кальварыі адшукалі магілу аднаго з кіраўнікоў першай беларускай партыі, які нават з ссылкі дасылаў матэрыялы ў «Нашу Ніву»
На старажытных могілках у цэнтры Гродна знайшлі парэшткі маці і дзіцяці ў адной магіле
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна19
Каментары