Андрэй Саннікаў лічыць сябе «былым прэзідэнтам-электам»
Андрэй Саннікаў, які ў 2010 годзе быў самым папулярным з шматлікіх апазіцыйных кандыдатаў на прэзідэнцкіх выбарах у Беларусі, а пасля іх год і амаль чатыры месяцы быў зняволены, напісаў артыкул для рэсурсу ганконгскіх дэмакратаў Freedom HK. Пры гэтым асноўную ўвагу прыцягвае не сам артыкул як такі, а тое, як Саннікаў яго падпісаў.
Андрэй Саннікаў
На думку аўтара артыкула, ён не хто іншы, як former president-elect of Belarus (былы абраны прэзідэнт Беларусі).
На гэты нечаканы тытул Андрэя Саннікава звярнуў увагу ў фэйсбуку журналіст Віктар Малішэўскі.
Паводле афіцыйных звестак Цэнтрвыбаркама пад кіраўніцтвам Лідзіі Ярмошынай, на тых выбарах Андрэй Саннікаў набраў 156419 (2,43%) галасоў і заняў другое месца пасля Лукашэнкі. Ніякай веры гэтым лічбам, натуральна, няма.
У той жа час, у адрозненне ад сітуацыі 2020 года, няма і ніякіх доказаў, што Саннікаў набраў тады пераважную большасць галасоў і ў яго забралі перамогу. Тым больш што на тых выбарах не ўдалося дамовіцца пра адзінага кандыдата, а таму апазіцыйныя галасы распыліліся паміж рознымі палітыкамі.
Чытайце таксама:
15 гадоў таму адбылася другая Плошча — людзі пратэставалі супраць фальсіфікацыі выбараў-2010
Саннікаў: Калі ўсе палітвязні будуць вызваленыя, я буду першым, хто скажа, каб здымалі ўсе санкцыі
Каго з беларускай апазіцыі падтрымлівае расійскі мільянер Неўзлін?
«Сустрэліся дзве адзіноты». Саннікаў працягвае кпіць з Ціханоўскай ФОТАФАКТ
Тэлефоны Наталлі Радзінай і Андрэя Саннікава былі заражаныя сакрэтнай праграмай сачэння