15 гадоў таму адбылася другая Плошча — людзі пратэставалі супраць фальсіфікацыі выбараў-2010
15 гадоў таму, 19 снежня 2010 года, у Мінску адбыліся шматтысячныя пратэсты нязгодных з абвешчанымі вынікамі прэзідэнцкіх выбараў.
Паводле афіцыйных вынікаў, Аляксандр Лукашэнка набраў 79,67%. Андрэю Саннікаву намалявалі 2,43 працэнта і паставілі на другое месца.
Дзясяткі тысяч людзей прайшлі праспектам ад Кастрычніцкай да плошчы Незалежнасці. Пратэст скончыўся нечуванымі рэпрэсіямі — сотні людзей былі збітыя спецназам і затрыманыя.
Былі затрыманыя шасцёра кандытатаў у прэзідэнты — Дзмітрый Вус, Алесь Міхалевіч, Уладзімір Някляеў, Віталь Рымашэўскі, Андрэй Саннікаў і Мікола Статкевіч, а таксама 630 чалавек. На падыходзе да Кастрычніцкай плошчы Уладзімір Някляеў быў жорстка збіты.
Пазней Вус, Някляеў, Саннікаў, Статкевіч і 45 удзельнікаў акцыі былі асуджаныя паводле крымінальных артыкулаў.
Першая Плошча адбылася ў сакавіку 2006 года, калі людзі пратэставалі супраць вынікаў тагачасных прэзідэнцкіх выбараў і калі на Кастрычніцкай плошчы ўзнік намётавы гарадок, які пратрымаўся пяць дзён і быў жорстка разагнаны.
-
З асуджанага за шпіянаж знаёмага Вольгі Карач у турме вымагалі грошы. А ён хваліўся, што можа дастаць іх у пасольстве Беларусі
-
У мінскім парку Чавеса два дні будзе працаваць зіплайн — рэч са спускам на шалёнай хуткасці
-
Лукашэнка загадаў, каб былых сілавікоў, ратавальнікаў і дыпламатаў, звольненых «па дыскрэдытуючых», адсочвалі пяць гадоў
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам5
Каментары
Што за прапагандысцкі штамп, быццам там усё магло быць падлічана, але проста некаторым не спадабаўся вынік?
Не ведаю, як аўтары гэтай лухты, але я і мае знаёмыя пратэставалі не супраць "вынікаў", а супраць нахабных фальсіфікацыяў на "выбарах". Бо ўжо даўно камісіі нічога не лічылі нават пры нас
Дарэчы, сёмы кандыдат тады таксама быў затрыманы і мусіў запісваць пакаяльнае відэа для БТ