У Мінгарвыканкаме пракаментавалі сітуацыю з домам, у якім абвалілася падлога
У Мінгарвыканкаме расказалі пра сітуацыю з домам №69 на вуліцы Баграціёна ў Мінску. Раней паведамлялася, што там абваліліся падлога і частка сцяны перад лесвічным маршам.
Скрыншот з відэа
Паведамляецца, што ў будынку дэфармавалася пліта перакрыцця на лесвічным маршы. Спецыялісты правялі агляд і высветлілі, што пагрозы для жыхароў няма, таму адсяленне не патрабуецца.
Для бяспекі пад апорную пліту паставілі тры ўмацавальныя канструкцыі. Таксама часова закрылі адзін уваход у скразны пад’езд.
Далейшымі дзеяннямі зоймецца «Белжылпраект», які павінен падрыхтаваць заключэнне і вызначыць неабходныя рамонтныя работы.
Чытайце таксама:
У Мінску адбыўся абвал у жылым доме
Сёлетняй зімой у Беларусі зафіксавалі рэкорднае спажыванне электраэнергіі