Усе літоўскія фуры збіраюцца выпусціць з Беларусі да канца мая
У Дзяржаўным мытным камітэце Беларусі заявілі, што да канца мая з краіны, верагодна, выедуць амаль усе грузавікі з літоўскай рэгістрацыяй, якія раней былі па палітычных меркаваннях затрыманыя на беларускай тэрыторыі.
Здымак ілюстрацыйны. Фота: Lookby.media
Як сцвярджаецца, на сёння Беларусь ужо пакінулі каля 1,7 тысячы літоўскіх грузавікоў. Засталося крыху больш за 200 машын — гэта прыкладна 12% ад першапачатковай колькасці.
З восені 2025 года Беларусь утрымлівала грузавікі з літоўскай рэгістрацыяй у адказ на закрыццё мяжы з боку Літвы. На спецыяльныя пляцоўкі прымусова змясцілі, па даных беларускіх уладаў, больш за 1,9 тысячы літоўскіх транспартных сродкаў, у тым ліку цягачы і прычэпы. Некалькі месяцаў ім не дазвалялі пакінуць краіну, нягледзячы нават на адкрыццё Літвой мяжы.
Выезд грузавікоў стаў магчымы з 23 сакавіка пасля перамоў паміж Аляксандрам Лукашэнкам і спецпасланнікам прэзідэнта ЗША Джонам Коўлам. Каб забраць транспарт, перавозчыкі павінны аплаціць стаянку і захоўванне аўтамабіляў, хоць і па меншых расцэнках, чым патрабавалася ад пачатку.
Чытайце таксама:
У Літву з Беларусі вярнуліся 679 грузавікоў
З Беларусі ўжо выехалі каля 700 літоўскіх грузавікоў, яшчэ 300 аплацілі стаянку
Літоўскія перавозчыкі расказалі, ці будуць яны цяпер ездзіць праз Беларусь