«Да 30—50% пасад штурмавікоў і пехацінцаў». Украіна збіраецца істотна павялічыць колькасць іншаземцаў ва УСУ
Паводле заявы міністра абароны Украіны Міхаіла Фёдарава, плануецца, што ў асобных баявых падраздзяленнях — асабліва сярод штурмавікоў і пехацінцаў — доля іншаземцаў можа дасягаць прыкладна 30—50%, піша «Украінская праўда».
Міхаіл Фёдараў. Фота: Міністэрства абароны Украіны
«Адкрываем рынак рэкрутынгу замежнікаў для ўзмацнення баявых падраздзяленняў і захавання жыццяў украінскіх вайскоўцаў. Наша мэта — да 30—50% пасад штурмавікоў і пехацінцаў запоўніць іншаземцамі», — заявіў Міхаіл Фёдараў.
Акрамя гэтага, Фёдараў паведаміў пра планы паступовага вызвалення ад службы тых вайскоўцаў, якія правялі ў войску найбольш працяглы час і даўжэй за іншых знаходзіліся на баявых пазіцыях. Ідэя ў тым, каб даць магчымасць частковай ратацыі асабовага складу і зменшыць перагрузку для найбольш вопытных салдат.
Чытайце таксама:
Беларускі добраахвотніцкі корпус апублікаваў кадры сваёй працы