«Хогвартс адпачывае». На вуліцы Мінска заўважылі «дыханне дрэў»
Незвычайная прыродная з'ява была заўважаная на адной са сталічных вуліц. На яе звярнуў увагу карыстальнік Threads Дзмітрый, піша Blizko.by.
Малады чалавек звярнуў увагу, што ад ствалоў гарадскіх дрэў каля праезнай часткі ішоў слабы дым. Мінчук вырашыў не ўпускаць момант і зафіксаваў феномен на камеру.
«Адбываецца сапраўдная магія. Хогвартс адпачывае», — падпісаў фота і відэа аўтар.
Выдзяленне белай пары ці туману са ствала жывога дрэва часцей за ўсё абумоўлена выпарэннем унутранай вільгаці і актыўным рухам соку пры рэзкім перападзе тэмператур. У моцную спёку пасля дажджу або пры рэзкіх тэмпературных ваганнях вільгаць з трэшчын кары награваецца і імкнецца вонкі, утвараючы міні-воблачка пары, падобнае да дымку.
Чытайце таксама:
На Гомельшчыне знайшлі рэдкі грыб, якога не бачылі больш за 60 гадоў